CHAMA CHA WASAMBAZAJI WA FILAMU NA SHIRIKISHO LA FILAMU TANZANIA (TAFF), WAMEPONGEZA WAZIRI NAPE NNAUYE
Mwenyekiti wa Chama cha Wasambazaji wa Filamu nchini, Moses Mwanyilu,akizungumza
na waandishi wa habari jijini Dar es Salaam mapema leo kuhusu kuipongeza
serikali kupitia wizara husika katika kuanzisha oparesheni ya kuwakamata
walanguzi wa kazi za wasanii nchini.
Rais wa Shirikisho la Filamu Tanzania (TAFF) Simon Mwakifamba akizungumza
na waandishi wa habari (hawapo pichani).
Katibu wa Chama cha Wasambaji wa Filamu Tanzania, Suleiman Ling'ande, akifafanua
jambo katika mkutano huo.
Waandishi wa habari wakimsikiliza mwenyekiti wa chama cha wasambaji wa
filamu nchini,Moses Mwanyilu (hayupo pichani) wakati akizungumza nao kuhusu
wizi wa ulanguzi wa kazi za wasanii nchini.
Na Frank Wandiba;
Chama cha Wasambazaji wa Filamu
Tanzania na Shirikisho la Filamu Tanzania (TAFF) wamepongeza hatua za
makusudi zinazochukuliwa na Waziri wa Habari,Utamaduni,Sanaa na Michezo Mhe, Nape
Nnauye za kuhakikisha anatokomeza mtandao wa waharamia na wauzaji wa kazi za
wasanii bila kufuata utaratibu za kisheria nchini.
Pongezi hizo zimetolewa mapema leo jijini
Dar es salaam Mwenyekiti wa chama cha wasambazaji wa filamu nchini Bw, Moses
Mwanyilu kufatia hatua zinazochuliwa na serikali sasa kuwa zimekuja muda muafaka kwani
ndio kilio chao cha muda mrefu kutokana na baadhi ya wafanyabiashara na
wasambaji wa kazi za wasanii filamu na muziki za kutoka ndani na nje ya nchi ambao sio waaminifu kuiingiza
na kuuza bidhaa hizo bila ya kufuata utaratibu wa sheria jambo linalopelekea
kuikosesha serikali mapato.
Amesema wafanyabiashara hao ambao sio
waaminifu wamekuwa wakidurufu kazi za wasanii wa filamu za ndani na kuziingiza
sokoni hatua ambayo inapelekea wasanii kushindwa kunufaika na kazi zao kwani
uziuza kwa bei ya chini jambo ambalo linasababisha soko la filamu za ndani
kudidimia.
Aidha bw, Mwanyilu ameongeza
kuwa baada ya kilio cha muda mrefu hatimaye serikali kupitia kwa wizara
inayohusika na masuala ya sanaa imeanza kuchukua hatua za makusudi kutatua
tatizo hilo kwa kuanza kufanya oparesheni ya nguvu ya kukamata walanguzi wa
kazi za wasanii nchini katika maeneo ya kariakoo.
“Kwa niaba ya chama cha
wasambazaji wa filamu na shirikisho la filamu Tanzania pamoja na vyama vyote
vya shirikisho wanapenda kutoa shukrani za dhati kwa wizara ya habari kupitia
waziri wake,Mhe Nape Nnauye na wadau wengine ikiwemo mamlaka ya mapato Tanzania
(TRA), Bodi ya filamu,Cosota na Baraza la Sanaa Tanzania kwa hatua walizoanza
kuchukua kuhakikisha kazi za wasanii zinauzwa kwa kufuata utaratibu uliowekwa
na unaotambulika”
Nae Katibu wa chama cha Wasambaji wa Filamu
Tanzania, bw Suleiman Ling’ande amesema tatizo la uharamia katika kazi za
wasanii nchini limekuwa ni changamoto ya muda mrefu kufuatia kuwepo na sheria
ambayo imekuwa ikishindwa kuwabana wahusika hao kwa kutoa adhabu kali zaidi ili
kazi za wasanii ziweze kuwanufaisha wasanii pamoja na kuliongezea kipato taifa kwa
kulipa kodi.
Kwa upande wake Rais wa Shirikisho la
Filamu Tanzania (TAFF),Bw Simon Mwakifamba amesema anaunga mkono hatua
zinazoendelea kuchukuliwa na serikali pamoja na wadau wengine za kuhakikisha
wanatokomeza uharamia wa kazi za wasanii nchini kitu kinachowaongezea motisha waigizaji
hao kuendelea kutengeneza kazi nzuri za kuelimisha jamii.







