Breaking News

Mwenyekiti Wa CCM Shina La JPM Kariakoo Hamisi Sadiki Amewataka Vijana Kujikita Katika Kufanya Kazi

Image result for bendera ya ccm
Mwenyekiti Wa Shina la JPM Kariakoo Bw. Hamisi Ahmedi Sadiki amewataka vijana kujikita zaidi katika kufanya kazi pamoja na shughuli za kijamii kama kufanya usafi wa mazingira ili kujiletea maendeleo badala ya kukaa vijiweni na kuendekeza starehe na matumizi ya vilevi.

Akizungumza mapema leo jijini dar es salaam mara baada ya kumalizika kwa mkutano wa vingozi wa Jumuhia Ya Wazazi Wa Chama Cha Mapinduzi Ccm Mkoa Wa Dar Es Salaam alisema ya changamoto ambayo imetajwa katika mkutano huo na naibu katibu mkuu wa chama hicho taiofa ni kuwepo kwa vijana wengi ambao mda mwingi wanautumia kukaa vijiweni na kutumia vilevi.

“kweli kumekuwepo na wimbi la vijana kupenda kukaa vijiweni na kuendendekea matumizi ya pombe ili sie tumelichukua kama changamoto na tunaenda lifanyia kazi kama vijana kwa kuanza kuamasisha vijana wa kata yote JPM kuachana na fikra hizo na kujikita katika kufanya kazi pamoja na usafi wa mazingira katika kata hiyo” alisema Bw. Sadiki.

Kwa kuanzia katika kata yetu tayali tulisha andaa utaratibu wa kufanya usafi kila mwisho wa wiki na kila mwisho wa mwezi kwa kushirikiana na viongozi wengine mbalimbali kuanzia kata hili zoezi ilo kufanyika kwa ufanisi zaidi.

“shina la JPM kariakoo lina wanachama zaidi ya 1700 hivyo sisi kama viongozi jukumu letu kubwa ni kuhakikisha tunaendelea kutekeleza majukumu yetu kwa weredi hususani katika swala la usafi wa mazingira” alisema.