TAARIFA KUTOKA JESHI LA POLISI MKOA WA MWANZA

 

TAREHE 19/06/2016 MAJIRA YA SAA 16:00HRS KATIKA BARABARA YA NYASAKA ENEO LA MADUKA TISA WILAYA YA ILEMELA JIJI NA MKOA WA MWANZA, GARI NAMBA DFP 8476 AINA YA NISSAN PICKUP LIKIENDESHWA NA DEREVA AITWAYE STANFORD KATABARO MIAKA 47 MKAZI WA KITANGIRI, LILIMGONGA MTEMBEA KWA MIGUU AITWAYE ASIA ALOYCE MIAKA 66 MKAZI WA BUZURUGA NA KUSABABISHA MAJERAHA SEHEMU MBALIMBALI ZA MWILI WAKE.

MAJERUHI ALIKIMBIZWA HOSPITALI YA MKOA WA MWANZA SEKOU TOURE KUPATIWA MATIBABU, LAKINI HALI YAKE ILIKUA SIO NZURI NA ALIFARIKI DUNIA MAJIRA YA SAA 19:00HRS WAKATI AKIENDELEA KUPATIWA MATIBABU. MTUHUMIWA WA AJALI HIYO AMEKAMATWA YUPO CHINI YA ULINZI WA JESHI LA POLISI.

CHANZO CHA AJALI BADO KINACHUNGUZWA, PINDI UCHUNGUZI UKIKAMILIKA MTUHUMIWA ATAFIKISHWA MAHAKAMANI, MWILI WA MAREHEMU UMEHIFADHIWA HOSPITALI YA MKOA WA SEKOU TOURE KWA AJILI YA UCHUNGUZI.

KAMANDA WA POLISI MKOA WA MWANZA KAMISHINA MSAIDIZI MWANDAMIZI WA POLISI AHMED MSANGI ANATOA WITO KWA WATUMIAJI WA VYOMBO VYA MOTO KUWA MAKINI WAKATI WOTE PINDI WANAPOKUWA BARABARA ILI KUWEZA KUZUIA AJALI NA VIFO VINAZOWEZA KUEPUKIKA, LAKINI PIA ANAWATAKA WATUMIAJIA WA VYOMBO VYA MOTO  KUZINGATIA ALAMA  NA SHERIA ZA USALAMA BARABARANI.

KATIKA TUKIO LA PILI

MNAMO TAREHE 20/06/2016 MAJIRA YA SAA 03:00HRS KATIKA ENEO LA PASIANSI WILAYA YA ILEMELA JIJI NA MKOA WA MWANZA, ASKARI WAKIWA DORIA WALIFANIKIWA KUMKAMATA MHAMIAJI ANAYEISHI NCHINI BILA KIBALI MWENYE ASILI YA URAIA WA NCHI YA RWANDA AITWAYE ISMAIL MUSA MIAKA 30, MKAZI WA MTAA WA PASIANSI, KITENDO AMBACHO NI KINYUME NA SHERIA NA TARATIBU ZA NCHI.

AIDHA INADAIWA KUWA RAIA HUYO MWENYE ASILI YA RWANDA YUPO NCHINI KWA MUDA MREFU AKIWA ANAJIHUSISHA NA SHUGHULI MBALIMBALI ZA KIJAMII HUKU AKIJITAMBULISHA KWA WATU KWAMBA YEYE NI MZALIWA WA TANZANIA, NDIPO WATU WALIMTILIA SHAKA NAKUWEZA KUTOA TAARIFA POLISI JUU YA UHALALI WAKE WA KUISHI NCHINI.

JESHI LA POLISI LILIFANIKIWA KUMKAMATA MTUHUMIWA NA KWASASA YUPO KWENYE MAHOJIANO NA POLISI, HUKU TARATIBU ZA KUWASILIANA NA IDARA YA UHAMIAJI ZIKIENDELEA.

KAMANDA WA POLISI MKOA WA MWANZA KAMISHINA MSAIDIZI MWANDAMIZI WA POLISI AHMED MSANGI ANATOA PONGEZI KWA WANANCHI KWA UZALENDO WANAO UONYESHA KWA JESHI LA POLISI, KWA KUTOA TAARIFA ZA WAHALIFU NA PIA ZA WATU AMBAO SIO RAIA WA TANZANIA LAKINI WANAISHI KATIKA MITAA YAO, HILO JAMBO NI LAKIZALENDO NA NINAWAOMBA WANANCHI KUENDELEA KUTOA TAARIFA MAPEMA KWA JESHI LA POLISI ILI WAHAMIAJI KAMA HAO WANAOINGIA NCHINI BILA KIBALI WAWEZWE KUKAMATWA.

KATIKA TUKIO LA TATU

KWAMBA MNAMO TAREHE 19.06.2016 MAJIRA YA SAA 14:25HRS KATIKA BARABARA YA TRA MAGU KATA NA TARAFA YA ITUMBILI WILAYA YA MAGU MKOA WA MWANZA, ASKARI WAKIWA DORIA PAMOJA NA MISAKO WALIFANIKIWA KUMKAMATA MKOLA WILLIAM MIAKA 22 MKAZI WA NYEGEZI – MWANZA AKIWA NA MIRUNGI KILO 14 KITENDO AMBACHO NI UVUNJWAJI WA SHERIA NA TARATIBU ZA NCHI.

AIDHA INADAIWA KUWA MTUHUMIWA ALIKUWA AKISAFIRISHA MADAWA HAYO YA KULEVYA KWENYE GARI LENYE NAMBA T.754 DFQ AINA YA YOUTONG MALI YA KAMPUNI YA MABASI YA BATCO AKITOKEA SIRARI KWENDA MWANZA, NDIPO ASKARI WALIPOTILIA SHAKA BASI HILO WAKALISIMAMISHA NA KULIFANYIA UPEKUZI NDIPO WALIPOFANIKIWA KUMKAMATA MTUHUMIWA TAJWA HAPO JUU AKIWA NA MADAWA HAYO YA KULEVYA.

MTUHUMIWA YUPO CHINI YA ULINZI WA JESHI LA POLISI, HUKU MAHOJIANO DHIDI YA UHALIFU WA KUJIHUSISHA NA BIASHARA HARAMU YA MADAWA YA KULEVYA UKIENDELEA PINDI UCHUNGUZI UKIKAMILIKA MTUHUMIWA ATAFIKISHWA MAHAKAMANI KUJIBU MASHITAKA YANAYO MKABILI.

KAMANDA WA POLISI MKOA WA MWANZA KAMISHINA MSAIDIZI MWANDAMISI WA POLISI AHMED MSANGI ANATOA WITO KWA WANANCHI KUACHA KUJIHUSISHA NA BIASHARA HARAMU ZA MADAWA YA KULEVYA AMBAYO YANAATHIRI KWA KIASI KIKUBWA JAMII YA WATANZANIA, KWANI JESHI LA POLISI LIMEJIPANGA KUHAKIKISHA LINAKABILIANA NA WAHALIFU WA AINA KAMA HIYO NA KUWAFIKISHA KATIKA VYOMBO VYA SHERIA.

KATIKA TUKIO LA NNE

MNAMO TAREHE 18.06.2016 MAJIRA YA SAA 22:00HRS KATIKA KIJIJI CHA MWABULENGA KATA YA NGHAYA TARAFA YA NDAGALU WILAYA YA MAGU MKOANI MWANZA, LUCIA ANDREW MIAKA 40 MKAZI WA KIJIJI CHA MWABULENGA, NYUMBA YAKE ILICHOMWA KWA MOTO HADI KUTEKETEA YOTE NA MTU AITWAYE FUTA BUJILIMA MIAKA 38 MKAZI WA KIJIJI CHA NGHAYA KITENDO KILICHOPELEKEA KUJERUHIWA KWA MOTO MTOTO WA BI LUCIA AITWAYE VUMILIA LUFUNGULO MIAKA 6 ALIYEUNGUA USONI  NA SHAVU LA KUSHOTO PAMOJA NA KUTEKETEZA VITU VILIVYOKUWA NDANI YA NYUMBA HIYO.

INASEMEKANA KUWA MTUHUMIWA ALIYECHOMA NYUMBA HIYO MOTO ALIKUWA ANAMAHUSIANO YA KIMAPENZI NA BI LUCIA NA PINDI ALIPOKWENDA SIKU HIYO NYUMBANI KWA BI LUCIA HAKUMKUTA NDIPO ALIPOHISI KUWA ATAKUWA AMEKWENDA KWA WANAUME WENGINE NAKUAMUA KUICHOMA NYUMBA YAKE MOTO.

MTUHUMIWA WA TUKIO HILO ANASHIKILIWA NA JESHI LA POLISI HUKU UPELELEZI KUHUSIANA NA TUKIO HILO UKIENDELEA, PINDI UCHUNGUZI UKIKAMILIKA MTUHUMIWA ATAFIKISHWA MAHAKAMANI, CHANZO CHA TUKIO HILO NI WIVU WA KIMAPENZI. MAJERUHI AMELAZWA KWENYE KITUO CHA AFYA KIITWACHO KABILA KILICHOPO WILAYANI MAGU NA HALI YAKE INAENDELEA VIZURI.

KAMANDA WA POLISI MKOA WA MWANZA KAMISHINA MSAIDIZI MWANDAMIZI WA POLISI AHMED MSANGI ANATOA WITO KWA WANANCHI KUACHA TABIA YA KUJICHUKULIA SHERIA MKONONI KWANI NI UKIUKWAJI WA SHERIA NA TARATIBU ZA NCHI, BALI WAFUATE SHERIA PINDI WANAPOMKAMATA MHALIFU.

KATIKA TUKIO LA TANO

KWAMBA TAREHE 18.06.2016 MAJIRA YA SAA 01:00HRS KATIKA KIJIJI CHA KOME KATA YA BUKIKO TARAFA YA UKARA WILAYA YA UKEREWE MKOA WA MWANZA, MTU MMOJA ALIYEJULIKANA KWA JINA MOJA LA IDDI MIAKA 35 FUNDI KINYOZI NA MKAZI WA KIJIJI CHA KOME ALIUAWA NA KUNDI LA WATU WALIOJICHUKULIA SHERIA MKONONI KWA KUMPIGA NA VITU VYENYE NCHA KALI PAMOJA NA MAWE SEHEMU MBALILI ZA MWILI WAKE HADI KUFARIKI PAPO HAPO.

AIDHA INADAIWA KUWA MAREHEMU ALIFUMANIWA NA BWANA BAGAILE NDALO AKIFANYA MAPENZI NYUMBANI KWAKE NA MKEWE AITWAYE FODIA COLANIUS, KITENDO AMBACHO KILIMUUZI NA KUAMUA KUMPIGA SEHEMU MBALIMBALI ZA MWILI WAKE AKISHIRIKIANA NA KUNDI LA WATU HADI KUMUUA.

JESHI LA POLISI LINAMSHIKILIA BWANA BAGAILE NDALO KWA MAHOJIANO DHIDI YA TUHUMA ZA KUSHIRIKI KATIKA MAUAJI HAYO, HUKU UCHUNGUZI JUU YA TUKIO HILO ZIKIENDELEA, PIA UPELELEZI NA MSAKO WA KUWASAKA WALE WOTE WALIOSHIRIKI KATIKA MAUAJI HAYO BADO UNAENDELEA.

KAMANDA WA POLISI MKOA WA MWANZA KAMISHINA MSAIDIZI MWANDAMIZI WA POLISI AHMED MSANGI, ANAWAKUMBUSHA WANANCHI KUACHA TABIA YA KUJICHUKULIA SHERIA MKONONI KWANI NI UVUNJWAJI WA SHERIA NA TARATIBU ZA NCHI, BALI PINDI WANAPOKAMATA MHALIFU WAMPELEKE KWENYE KITUO CHA POLISI AU WATOE TAARIFA MAPEMA POLISI ILI HATUA KALI ZA KISHERIA ZIWEZE KUCHUKULIWA DHIDI YA MHALIFU HUSIKA.

IMESAINIWA NA:

SACP: AHMED MSANGI

KAMANDA WA POLISI (M) MWANZA