MZEE WA UPAKO: VINGOZI EPUKENI VIJEMBE KATIKA MIKUTANO,
Mchungaji wa kanisa la Maombezi (CRG), Antony Lusekelo (mzee wa upako)
Mchungaji kiongozi wa
Kanisa La Maombezi (CRG), Antony Lusekelo (maarufu mzee wa upako) amewataka
viongozi wa Kisiasa hapa nchini kuacha tabia ya kupigana vijembe katika
mikutano yao ya chama badala yake wajikite katika kutibu majeraha ya uchaguzi
wa mwaka jana kwa kuhubiri ushirikiano na umoja wa kujenga Taifa.
Akizungumza na waandishi wa
habari waliomtembelea ofisini kwake jijini dar es salaam kwa lengo la kuzungumzia
mwenendo wa hali ya Kisiasa hapa nchini mara baada ya kuisha kwa uchaguzi mkuu
uliofanyika nchini octoba mwaka jana.
Amesema si wakati wa kubeza
baadhi ya watu waliohama chama kimoja kwenda kingine, kwani kufanya hivyo ni
kuendelea kujenga chuki miongoni mwa jamii hali inayoweza kupelekea kupotea kwa
amani ya nchi.
Tangu kuisha kwa uchaguzi
mkuu amekuwa akifuatilia mwenendo na matukio ya kisiasa hapa nchini na kuona
kumeanza kujitokeza tabia ya kupigana vijembe miongoni mwa wanasiasa, kukejeli na
kuwasema vibaya wenzao huo si utaratibu mzuri na si utamaduni wa Tanzania.
Amesema kwa sasa upinzani
nchini umekuwa kwa kasi, na una wafuasi wengi hivyo vitendo vya kuendeleza
vijembe vinaweza kupelekea kusababisha machafuko ambayo hayana ulazima wowote.
“Baada ya uchaguzi mkuu wa
2015 nchi yetu bado haijatulia vyema, bado watu wanamajeraha makubwa ya
uchaguzi mkuu, ni wakati wa kuponya majeraha hayo kwanza pamoja na kuendelea
kuhubiri umoja”.
Aidha mchungaji lusekelo
amezungumzia pia hatua ya wabunge wa upinzani kutoka bungeni na kususia vikao vya
bunge amesema kitendo kile kinalitia aibu taifa, hivyo kushauri busara itumike wazee
wajitokeze na kukaa kuzungumza na pande zote mbili kwa lengo la kumaliza
tofauti zao ili Taswira ya Taifa isiharibiwe.
“Amesema hakuna wa
kulaumiwa kwa kilichotokea bungeni wote wanamakosa kuanzia wabunge wateule na
hata Naibu Spika wa Bunge mhe Tulia Ackson, na kuongeza kuwa swala hilo
limeshindwa kupatiwa suluhu kutokana na uchanga mhe naibu spika, kinachotakiwa
wazee waingilie kati ili suluhisho lipatikane”.
Aidha mchungaji lusekelo
ameongelea pia ujio wa kiongozi maarufu wa kiroho kutoka nchini Nigeria TB
JOSHUA, kwa kutoa taadhari kwa serikali awamu ya tano kuacha kumpokea nchini mtumishi
huyo wa kiroho kwani kwa kufanya hivyo kutasababisha laana kubwa kwa Taifa la
Tanzania ikiwemo kunyesha mvua sizizo fahamika.
Zipo taarifa kuwa kiongozi
huyo wa kiroho TB Joshua anatarajiwa kuja tena nchini na kupokelewa na mhe Rais
Magufuli, nataka nimwambie mhe Rais Magufuli kumpokea TB Joshua ni kuleta laana
katika Taifa kwani mtumishi huyo cha ziada ambacho wachungaji wa ndani hawana.
Mchungaji Lusekelo ametoa
taadhari kwa nchi kutompokea tena mhubiri kwani upo uwezekano wa kusababisha
madhara makubwa sana nchi ikiwemo kutokea maafa makubwa kwa madai kuwa kiongozi
huyo hana sifa ya kuwa mhuburi.




