Prof Mbalawa Azindua Shirika La Mawasiliano Tanzania, Asisitiza Ubunifu Na Wajibikaji

Waziri
wa ujenzi uchukuzi na mawasiliano Prof. Makame Mbarawa amezindua sheria
ya shirika la mawasiliano Tanzania.
Akiongeakatika
hafla ya uzinduzi mapema leo jijini dar es salaam Prof. Mbarawa alisema kuwa
uwepo wa sheria ya shirika la mawasiliano unatoa fursa ya kuboresha sekta kwa
kuweka usimamizi wa miundombinu ya kimkakati nchini ukiwa chini ya shirika.
Aidha
aliongeza kuwa shirka la umma la mawasiliano nchini ni muhimu kwa kwa ajili ya
kulinda usalama wa nchi, kukuza uchumi na kutoa huduma za mawasiliano kwa jamii
na katika ubora unaotakiwa.
Pamoja
na hayo, Mbarawa aliongeza kuwa kuanzia jana TTCL imebadilishwa kutoka
kampuni kuwa shirika ili liweze kufanya kazi yake kwa weledi kwa maana utoaji
huduma mbali mbali ambazo zimekuwa zikitolewa na TTCL jambo ambalo
halitawaathiri wadau na watumiaji.
Mbarawa
aliwatoa wasiwasi wafanyakazi wa iliyokuwa kampuni ya simu Tanzania kuwa wao
pia watahamia katika shirika la mawasiliano kwa taratibu za kiutumishi kwa
kuzingatia kifungu cha 29 cha sheria ya shirika.
Kutokana
na mabadiliko hayo,shirika pia litaendelea kuwalipa mishahara na madai ya mishahara
kwa waliokuwa wafanyakazi wa kampuni kulingana kifungu cha 30 cha sheria ya
shirika sambamba na kuendelea na masuala ya michango ya mifuko ya hifadhi za
jamii kama ilivyokuwa katika kampuni ya TTCL hapo awali.
''Nyaraka
na kumbukumbu zote za kampuni ya TTCL zitahamishiwa kwenye shirika kwa mujibu
wa sheria kifungu cha 31,'' alisema Mbarawa.
Hata
hivyo Mbarawa alitoa rai kwa Taasisi za umma na binafsi ambao bado wanadaiwa na
iliyokuwa kampuni ya TTCL kulipa madeni yao haraka iwezekanavyo na ameliagiza
shirika hilo kukusanya madeni yote.
Mpaka
sasa iliyokuwa kampuni ya TTCL inadaiwa zaidi ya bilioni mbili kutoka kwa
taasisi za umma na binafsi.



